Абделилах Хамдучи е еден од првите писатели на полициска литература на арапски јазик и е плоден, наградуван сценарист на полициски трилери. Многу од неговите романи, вклучувајќи го и познатиот „Последниот облог“, се поврзани со демократијата и прашања од човековите права. За неговиот роман „Белокрилест инсект“, Liberation Kaleidoscope напиша: – „Абделилах Хамдучи изгледа ја пронашол формулата за појавата на мароканскиот детективски роман”.
Кога четвртото тело во рок од три дена ќе биде исфрлено на брегот на Тангер, со куршум во градите, детективот Лаафрит знае дека ова не е само уште еден имигрант кој не стасал до шпанскиот брег.
Препродавачи. Дилери на дрога. Шверцери. Тие знаат што значи да се внесе пиштол во Марко. Тоа го знае и Лаафрит. Додека неговиот тим го бара пиштолот, тој го следи своето претчувство и открива меѓународен заговор при решавањето на случајот.