Опис
Со богата хтонска фантазија што си подигрува со ситниот ежедневен живот движејќи се по тунелите од подземниот кон земниот свет и обратно, „Светиот волк“ на Елена Алексиева е проза што е од оние ретки со кои читателот влегува во соучесничка дружба. Наспроти непредвидливата, многу интересна фабула на овој роман, она што ги плени нашата читателска љубопитност и радост, е сижетно-стилската моќ на авторката, нејзината раскажувачка дарба и специфично чувство за хумор. Алексиева се (само)открива со секоја епизода од романот кога животите на ликовите се витални и мистериозни, смешни и повредливи. Денес, кога читателската култура осетно опаѓа, задоволство е да се открие вака контрастно, ефектно и сложено дело во кое распознаваме мајсторска вештина, што и во гротескноста не ја губи својата непосредна хумана сила. (Александар Прокопиев)
Коментари
Нема критики сеуште.